高松-岡山-倉敷 自駕攻略 (上集) | 行程+美食+景點+住宿 | 倉敷美觀 三井OUTLET PARK 倉敷 瀨戶內海 男木島 粟林公園 金刀比羅宮
Hello大家好 歡迎回到飛喵 今集旅行VLOG 飛到高松 去埋岡山同埋倉敷 分享下5日自駕行程路線 介紹下高松周邊附近嘅美食 烏冬彈牙到食到牙骹軟 行咗幾個必到嘅景點 欣賞絕佳嘅景色 當然仲會推介平靚正嘅住宿 喺OUTLET血拼 再去埋貓島男木島休閒睇下喵喵 鐘意依類型影片嘅話 記得要畀個like留言支持下 subscribe埋我哋嘅channel 咁就唔會錯過之後嘅精彩影片啦 由香港飛往高松直航 暫時每日只有一班機 由香港快運營運 (不是廣告 我都想有lol) 時間都幾靚仔 係朝早10點機去 去到大概當地時間 2點半左右 班次比較疏 入境嘅人流自然都少啲 好快就順利過關 過完關行李已經等緊我哋啦 高松機場好細 行李運輸帶都係得一條 但係流程就行得好流暢 一出嚟就會見到租車嘅櫃位 機場大堂只係得一間便利店(Family Mart 2/F) 另外仲有幾間餐廳 手信店有三四間左右 所以回程嘅時候 都唔使特登留太多時間 再過嚟機場買嘢 落機有啲肚餓 所以我哋在機場食少少嘢先 我哋預約咗嘅車係3點半攞 食完嘢遲咗少少3:45PM左右 租車嘅櫃位已經冇哂人 需要用佢哋嘅電話打畀佢哋 好快就有專人過嚟接我哋 上佢哋嘅小巴 大概搭5分鐘左右 就去到租車公司辦理手續 自駕固然方便 如果唔係都可以選擇乘搭巴士出市區 在租車櫃位隔籬就有自助售賣機 輕鬆買到車票 都有唔少旅客選擇搭巴士 今次租車同樣係選擇Toyota rent a car 呢間租車公司 既方便又快捷 剛好避開咗落機那堆人流 所以好快就攪掂好文件手續 檢查完車子 正式出發 第一日 我哋選擇由高松經過瀨戶大橋 先在岡山住宿一晚 瀨戶大橋 係現時世上最長嘅雙層公路同埋鐵路組合多用途橋梁 用咗10年先至建成 連接住本州岡山縣同埋四國香川縣 橫跨成個海峽大概9.4公里 穿過瀨戶大橋之後 揾到一間隱世又特別的咖啡廳 呢間名曲喫茶 時光回廊 入到去好似坐上咗時光穿梭機 去到舊時嘅歐洲 店里面播放住古典音樂嘅黑膠大碟 裝修得好有文藝氣息 仲放咗好多古董 好似係柱鐘 留聲機 風琴等等 墻上面仲有好多著名音樂家 作曲家嘅畫像 店里面收藏咗超過1萬張黑膠唱片 最特別嘅係店里面係禁止交談 提供一個極安靜舒適嘅空間同埋氣氛 等客人可以浸沈於音樂里面 悠閒咁樣度過時光 可以輕輕鬆咁品嘗下佢哋嘅咖啡 茶 甜點輕食 都係個幾特別嘅體驗 想同同行嘅朋友溝通 可能要用返電話發信息大家先至得喇 之後嘅行程繼續在岡山市內 住宿係在岡山JR站附近 市區里面有電車行駛 商場好多都係8點左右就閂門 除咗一條比較興旺嘅酒吧街 聚集咗好多年輕人 晚上嘅岡山街道上基本上都幾寧靜 在Google揾到一間評價幾高嘅日式火鍋嚟試下 係小店嚟嘅 不過竟然都有中文菜單 我哋被安排在一個包廂里面 私隱度極高 成間鋪頭位都唔係好多 只係得幾個包廂 食嘅係一人一鍋 比較之下 午市就相對比晚市抵食好多喇(價格上) 我哋分別揀咗兩個套餐嚟試下 一個係全份和牛 另一個係豬(豚)同埋和牛嘅雙拼 套餐已經包咗前菜 肉 蔬菜盤 仲有飯同埋甜點 肉類係超高質嘅 就算係豚肉 一樣係入口即溶 完全唔嚡口 牛肉嘅油脂平均 充滿牛香 份量都唔細 雖然一個套餐要差唔多港紙350蚊 但係都物超所值 最後係由老板娘親自將賬單拎過嚟 佢係一個非常客氣有禮嘅日本太太 講嘢非常恭敬 仲用電話Google 翻譯 同我哋簡單交談咗幾句 問下我哋鐘唔鐘意佢哋嘅食物 多謝我哋嚟岡山玩之類 作為旅客實在覺得非常開心同埋溫馨 最後仲目送我哋出門口 目送我哋離開 充滿人情味仲有好好嘅待客之道 第二日嘅早上 為咗要滿足購物慾 行程特別安排 早上由岡山去到倉敷嘅三井outlet park 下晝再去倉敷美觀 倉敷三井outlet在倉敷JR站附近 大概3分鐘路程 同著名景點倉敷美觀亦係相當近同埋好順路 三井outlet有兩層 集合咗大概120間商店 成個outlet嘅面積就唔算太大 不過基本outlet常見嘅品牌 好似係Nike Adidas都可以揾到 仲有Mont bell 同埋好幾間日本品牌嘅女裝店 價錢都OK 買到嘢 outlet仲連住另一個商場Ario 集結咗服飾 雜貨 藥妝 仲有個foot court 呢度都算係是岡山倉敷地區里面 最大型嘅覆合式購物商場啦 中午時段 就去到倉敷著名嘅景點倉敷美觀 當日嘅天氣極佳 成片藍天 一片雲都冇 係超級曬同超級熱 嚟到倉敷美觀 河道兩邊都係古舊嘅日式建築 進駐咗好多特色小商店 岡山倉敷係出名做牛仔嘅地方 在這都有幾間牛仔專門店 我哋有打算在呢個咁古色古香嘅地方 搭下船仔 想體驗就要先去觀光中心買票 每隻船一次只係可以坐6個人 每半個鐘會出兩隻船 我哋大概1點左右嚟到 已經得返5點鐘嘅船票 再遲啲都冇票賣啦 不過那天係星期日 所以可能人流比較多 如果大家嚟到想體驗下坐船仔 就要早啲買定票啦 在河邊都有幾多餐廳 我哋就隨意入咗一間 係在日式傳統建築里面 食物嘅種類都幾多 有壽司 烏冬 刨冰都有 隨便入一間啲嘢食都幾好食 食完嘢醫咗肚之後 就可以在河邊嘅小店行下 風景係非常好嘅 吃飽 行下側邊的小商店先 內街仲有一啲商店街 雖然係周末 但係人流都唔多 行得好舒服 成個倉敷美觀嘅區域唔算好大 大概玩三個鐘左右都行哂啦 四點幾嘅時候 我哋再坐低唞一唞 入到去係一間百年歷史建築里面嘅小咖啡廳 果汁 好多人飲這個 水蜜桃汁 整粒鮮榨水蜜桃汁 正啊 仲有手工可樂 試咗佢哋呢個桃汁 超好飲啊！ 聲稱係由兩個桃打成嘅 佢唔係死甜 係幾純粹嘅桃味 再配咗一件小小嘅巴斯克蛋糕 係個幾好嘅下午茶 天氣咁熱 仲可以食個刨冰過下冷河 坐到差唔多夠鐘 我哋就返返去觀光中心對面嘅碼頭上船 每人會派發一頂草帽 除咗有遮陽光嘅實際用途 相信亦係整個體驗嘅其中一部分 船夫一路撐船 一路會講解下兩邊建築嘅歷史 同埋故事 不過係用日文講解 所以我哋就聽唔明啦 成程船大概20分鐘左右啦 一場嚟到 用700日元一位嘅價錢 買個體驗同埋回憶都幾抵 玩完已經5點(半)左右 附近嘅商店基本上已經閂哂門 在倉敷附近都冇咩其他景點 或者大型商場可以行啦 如果係自駕嘅話 都可以駕去附近一啲古著店 好似係2ND STREET 或者賣童裝嘅西松屋睇下 不過8點前都閂哂門 之後去到酒店check in 酒店位置亦係鄰近倉敷JR站 酒店停車場原來2000日元可以日泊 泊到第二日嘅中午 期間出入都可以 早知一早就泊過嚟 咁就可以慳返中午在倉敷美觀嘅泊車費 反正都係步行到嘅距離 店包埋早餐 係一個三文治嘅餐盒 可以拎返上房食 都算幾豐富 房價係400蚊(港幣)左右嘅啫 都好抵住 朝早check out之後 就直接返去高松市區繼續行程 為免今集影片太長 我哋將高松市區內嘅三日兩夜分開放在下一集嘅影片 下集會去到高松著名嘅金刀比羅宮 食最出名嘅骨付雞 住擁有最靚海景嘅酒店 食最煙韌彈牙嘅烏冬 搭船去埋男木島(貓島) 仲會介紹埋在高松市里面一個好好行嘅商場 密切留意下集內容 鐘意呢類型影片嘅話 記得要畀個like同埋subscribe我哋嘅channel 咁我哋下條影片再見啦 拜拜
高松-岡山-倉敷 自駕攻略 (上集) | 行程+美食+景點+住宿 | 倉敷美觀 三井OUTLET PARK 倉敷 瀨戶內海 男木島 粟林公園 金刀比羅宮
**本片內容與評論極為主觀，口味與喜好因人而異。
往下有更多內容資訊參考⇊
–
影片章節⇊
00:00 本集內容
00:37 高松機場 – 岡山
02:37 時光回廊CAFE
03:37 岡山日式火鍋
05:25 三井outlet
06:18 倉敷美觀
10:07 高松景點
–
【歡迎訂閱我們的頻道】⬇️⬇️ 🧟♂️x🧟♀️x🐱x🐱
Femeow 飛喵：▸▸ https://www.youtube.com/@FEmeow_hk?sub_confirmation=1
合作邀請：▸▸ hellofemeow@gmail.com
–
【FEmeow IG】⬇️⬇️
預告片、精選片段、幕後花絮：▸▸ https://www.instagram.com/femeow_hk
【曬貓專用IG】⬇️⬇️
關注喵站長 阿緣與無求(End & MoMo)：▸▸ https://www.instagram.com/meow.end
💖領養代替購買
💖可以不愛但別傷害
–
謝謝觀看! Thanks for Watching!
記住要好好過生活。